Փետրվարի 25-ին աշխատանքային այցով Հունգարիայում գտնվող Թուրքիայի արտգործնախարար Մևլյութ Չավուշօղլուն դատապարտել է Հայաստանում ստեղծված իրավիճակը՝ այն համարելով «հեղաշրջման փորձ»։
Հունգարացի իր գործընկերոջ հետ ունեցած մամուլի ասուլիսի ընթացքում Թուրքիայի ԱԳՆ-ն մասնավորապես նշել է, որ իրենք դեմ են հեղաշրջմանը և հեղաշրջման փորձին` աշխարհում որտեղ էլ այն լինի: «Խստորեն դատապարտելով ստեղծված իրավիճակը Հայաստանում»՝ Չավուշօղլուն հայտնել է, որ իրենք տարածաշրջանի երկրների հետ քննարկում են, թե ինչ կարելի է անել։
«Մենք որևէ շփում չենք ունեցել, մամուլին ենք հետևում, փորձում ենք ավելի մանրամասն տեղեկատվություն ստանալ: Թուրքիայի դիրքորոշումը սկզբունքային է՝ դեմ ենք հեղաշրջմանը»,- եզրափակել է Թուրքիայի ԱԳՆ Չավուշօղլուն։
Հիշեցնենք, որ ՀՀ ԶՈւ Գլխավոր շտաբն այսօր պահանջել է վարչապետ Նիկոլ Փաշինյանի հրաժարականը՝ նշելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Ի պատասխան Փաշինյանը հայտարարել էր, որ դա ռազմական հեղաշրջման փորձ է։ Դեպքերին նախորդել էր երեկ Գլխավոր շտաբի պետի առաջին տեղակալ Տիրան Խաչատրյանի պաշտոնից ազատումը՝ վարչապետի առաջարկով։