Ռուսաստանը Սիրիայում սեփական մահապարտ ԱԹՍ–ներն է կիրառել

Ռուսական մահապարտ անօդաչու թռչող սարքերը փորձարկվել են Սիրիայում մարտական պայմաններում՝ այդպիսով հետաքրքրություն առաջացնելով օտարերկրա գնորդների մասին։ Այս մասին Իզվեստիայի հետ հարցազրույցում հայտարարել է «Ռոստեխ» պետկորպորացիայի արդյունաբերական տնօրեն Բեկխան Օզդոևը։  

ՌԴ ԶՈւ ավիախումբը Սիրիայի տարածքում տեղակայվել է սիրիական կողմի խնդրանքով՝ 2015 թվականից:

Խոսքը հավանաբար «Կալաշնիկովի» մշակած «Կուբ» և «Լանցետ» անօդաչուների մասին է։ Նման ենթադրություն կարելի է անել «Ռոստեխի» ղեկավար Սերգեյ Չեմեզովի՝ նախորդ տարվա վերջին արած հայտարարությունից։ Չեմեզովն ասել էր, որ «Կալաշնիկովի» մարտական անօդաչուները կիրառվել են Սիրիայում։

Գործարանի ներկայացրած անօդաչուները․


Լանցետ–3

Կուբ
Առավելագույն արագություն 110 կմ/ժ
130 կմ/ժ
Թռիչքի տևողությունը 40 րոպե 30 րոպե
Առավելագույն թռիչքային քաշ 12 կգ
Օգտակար բեռի զանգված 3 կգ 3 կգ
Հեռահարություն մինչև 40 կմ

Հայտարարվել է, որ անօդաչուներն արդարացրել են իրենց, Ռուսաստանը նախատեսում է ընդունել այն իր բանակի սպառազինություն, հետագայում կքննարկվի նաև արտահանման հարցը։

Ռուսաստանը վերջին տարիներին ակտիվորեն թարմացնում է անօդաչու թռչող սարքերի իր պարկը: Պաշտոնապես հայտարարվել էր, որ ռուսական բանակում առկա է մոտ 2000 անօդաչու սարք, սակայն դրանք բոլորը հետախուզական են։ Ըստ տեղեկությունների՝ առաջին հարվածային անօդաչուները բանակում էին հայտնվելու 2019-ին։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *