2021 թ. փետրվարի 12-ին ՆԱՏՕ-ի ռազմածովային ուժերի օպերատիվ մշտական երկրորդ խմբի (SNMG2) անդամ երկրներ Իսպանիան, Հունաստանը և Թուրքիան անցումային վարժանքներ են անցկացրել Միջերկրական ծովի արևելքում:
Այս մասին տեղեկանում ենք Թուրքիայի ՊՆ թվիթերյան էջից:
Վարժանքներին ներգրավված են եղել իսպանական ESPS Cristobal Colon, հունական HS Kountouriotis և թուրքական TCG Gaziantep և TCG Salihreis ռազմանավերը:
Հիշեցնենք, որ փետրվարի 10-ին Սև ծովում երկկողմանի վարժանքներ էին անցկացվել Թուրքիայի և ԱՄՆ-ի ռազմածովային ուժերի մասնակցությամբ: