«Իրկուտ» գործարանը Բելառուսի ԶՈւ–ին 4 միավորից կազմված Սու–30ՍՄ կործանիչների հերթական խմբաքանակը կփոխանցի 2022 թվականի հոկտեմբերին։
Այս մասին հայտնում է Բելառուսի ՊՆ կայքը։
Բելառուսը իր ավիապարկի ՄիԳ–29 կործանիչները փոխարինելու նպատակով 2017 թվականին 12 միավոր Սու–30ՍՄ կործանիչներ գնելու պայմանագիր էր կնքել «Իրկուտ» գործարանի հետ։
Պայմանագրով նախատեսված կործանիչների առաջին 4 միավորից կազմված խմբաքանակը Բելառուսը ստացել էր 2019 թվականի նոյեմբերին։
Հետխորհրդային տարածքում բացի Ռուսաստանից ու Բելառուսից, Սու–30ՍՄ կործանիչներով զինված են Հայաստանի ու Ղազախստանի զինված ուժերը։