Թուրքիայի բյուջեի և ֆինանսական ծառայությունների գլխավոր վարչությունը հրապարակել է երկրի ԶՈւ-ում «վճար ծառայության դիմաց»* ծրագրի համար անհրաժեշտ գումարի չափը․ 2021 թ․ հունվար-հուլիս ժամանակաշրջանի համար վճարը սահմանվել է 39.788 թուրքական լիրա (~5․570 ԱՄՆ դոլար՝ 26/01/2021 թ․ փոխարժեքով)։
Այս մասին հայտնում է թուրքական «Հաբերթյուրք» լրատվակայքը։ Անցյալ տարվա նույն ժամանակաշրջանի համեմատ պահանջվող գումարն աճել է 13,5%-ով։
*Թուրքիայի զինված ուժերում 2019 թվականից ներդրված «վճար ծառայության դիմաց» ծրագրի մասին օրենքը Թուրքիայի խորհրդարանն ընդունել է 2018 թ․ հուլիսի 26-ին։ Ծրագիրը նախատեսված է 18 տարեկանը լրացած Թուրքիայի այն քաղաքացիների համար, ովքեր առնվազն 3 տարի աշխատել են արտասահմանում։ Զինծառայությունից ազատվելու համար նրանք վճարում են որոշակի գումար և անցնում 21-օրյա տևողությամբ զինծառայության հիմնական կրթություն։