ՌԴ-ն լրացուցիչ սահմանապահ ուժեր կտեղակայի Հայաստան-Ադրբեջան սահմանին

Պաշտոնական Երևանի խնդրանքով ռուս սահմանապահները լրացուցիչ ուժեր կտեղակայեն Հայաստանի և Ադրբեջանի սահմանին:

Այս մասին, ռուսական «Կոմսոմոլսկայա պրավդա» պարբերականի փոխանցմամբ, հայտարարել է Ռուսաստանի Անվտանգության դաշնային ծառայության տնօրեն Ալեքսանդր Բորտնիկովը:

Ալեքսանդր Բորտնիկովը հստակեցրել է, որ «Հայաստանի Հանրապետության սահմանային անվտանգությունն ապահովելու», ինչպես նաև Արցախում խաղաղապահ միջոցառումներ իրականացնելու համար Հայաստան է ուղարկվելու 188 զինծառայող և անհրաժեշտ քանակի տեխնիկայի լրացուցիչ ռեզերվ: Սահմանապահների լրացուցիչ ուժերը կտեղակայվեն Հայաստանի և Ադրբեջանի սահմանին։

Նշենք, որ մինչ այժմ Արցախից բացի ՌԴ սահմանապահ ուժեր տեղակայված էին նաև ՀՀ-Թուրքիա և ՀՀ-Իրան միջպետական սահմանին։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *