Այս պահին ամբողջ ռազմաճակատում ընթանում են մարտական գործողություններ։ Մարտերը հատկապես թեժ են հյուսիսային և հարավային ուղղություններոմ։
Այս մասին հայտնում է ՊԲ լրատվական ծառայության պետ փոխգնդապետ Սուրեն Սարումյանը։
Հակառակորդը կիրառում է իր սպառազինությունում առկա բոլոր միջոցները, թիրախավորվում են թիկունքում քաղաքացիական ենթակառուցվածքները, կրկին թիրախավորվել է մայրաքաղաք Ստեփանակերտը։
Մարտական գործողությունների ընթացքում հակառակորդն ունի մեծ թվով կորուստներ, որոնց հստակ թիվը ճշտվում է։
Հայկական զինված ուժերը իրենց բնագծերում ամուր կանգած են։