Եվս մեկ սպանված օդաչու Ադրբեջանի ՊՍԾ-ից

Ադրբեջանական սոցցանցային տիրույթում տարածված ևս մեկ կորստի լուսանկարներից պարզել ենք, որ նա նույնպես Ադրբեջանի Պետական սահմանապահ ծառայության օդաչու էր: Սպանվածը Բիլեսուվար շրջանի բնակիչ Գյոզալով Խալիդ Հասան օղլուն է (Gözəlov Xalid Həsən oğlu):

Գյոզալով Խալիդ Հասան օղլու (Gözəlov Xalid Həsən oğlu), Ադրբեջանի ՊՍԾ Սանղաչալի ավիաբազայում

Դատելով լուսանկարում սպանվածի համազգեստից՝ նա առնվազն ուներ ավագ լեյտենանտի կոչում:

Ավելի վաղ հայտնել էինք Ադրբեջանի ԶՈւ կորուստների թվում Պետական սահմանապահ ծառայության ևս մեկ օդաչուի՝ մայոր Ղասիմով Աբբաս Ռզա օղլուի (Qasımov Abbas Rza oğlu) առկայության մասին: Չի բացառվում նաև, որ երկու օդաչուն էլ կարող են գտնված լինել միևնույն ուղղաթիռում:

Նշենք, որ սեպտեմբերի 27-ին ՀՀ ԶՈւ կողմից խոցված ադրբեջանական ուղղաթիռներից առնվազն մեկը Մի-17 էր, իսկ ՊՍԾ-ն հիմա շահագործում է հենց այդ մոդելի ուղղաթիռներ:

Այս երկու օդաչուների սպանվելու փաստը նաև ուղղակի ապացույց է Հայաստանի դեմ Ադրբեջանի բանակից բացի նաև Պետական սահմանապահ ծառայության ներգրավվածության մասին: Ադրբեջանի ՊՍԾ-ն ուղղակիորեն ներգրավվել էր նաև հուլիսյան մարտերին՝ մեր դեմ կիրառելով մահապարտ ԱԹՍ-ներ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *