«Արմատա» տանկը կարող են ներկայացնել սեպտեմբերին

«Արմատա» ծանր թրթուռավոր տեխնիկայի հիմքի վրա ստեղծված համանուն հիմնական մարտական տանկն առաջին անգամ կարող է ներկայացվել 2013 թվականի սեպտեմբերի 25-28-ին Նիժնի Տագիլում անցկացվելիք ռազմական տեխնիկայի միջազգային ցուցահանդեսի ժամանակ։

Այս մասին հայտնել է Ռուսաստանի փոխվարչապետ Դմիտրի Ռոգոզինը «Էխո Մոսկվի» ռադիոկայանի եթերում։

Ըստ նրա՝ նոր տանկի ցուցադրումը կանցկացվի փակ ռեժիմով, որին կմասնակցի միայն երկրի ղեկավարությունը։

Արմատայի հնարավոր արտաքին տեսքը

Արմատայի հնարավոր արտաքին տեսքը

Նշենք, որ «Արմատա» անունը կրող տանկի ստեղծման աշխատանքներն իրականացնում է «Ուրալվագոնզավոդ» գործարանը։ Գործող օրացույցի համաձայն՝ տանկի առաջին օրինակը կստեղծվի մինչ 2013 թվականի ավարտը։ 2014 թվականին Ռուսաստանի Պաշտպանության նախարարությունը մտադիր է ձեռք բերել 16 միավոր «Արմատա»՝ զորամասերում և ռազմաբազաներում փորձաշրջան անցկացնելու նպատակով։

«Արմատայի» նախագիծը գաղտնի է պահվում և տանկի տեխնիկական տվյալների մանրամասները դեռ հայտնի չեն։

Տանկը նախագծվել է մոդուլային սկզբունքի համաձայն, որը նպատակ ունի հեշտացնել նրա արդիականացումը և վերանորոգումը մարտական պայմաններում։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *