Հայաստանը արդիականացնում է ՍՈւ-25 գրոհիչները

Օգոստոսի 23-ին Մոսկվայում Հայաստանի Պաշտպանության նախարարությունը ռուսական Միացյալ ավիաշինական ընկերության հետ ստորագրել է Սու-25 գրոհիչների արդիականացման համաձայնագիր։

Այս մասին հայտնում է ՀՀ ՊՆ֊ն։ Նշվում է, որ պայմանագիրը կնքվել է «Պատրիոտ» կոնգրես-ցուցահանդեսային կենտրոնում՝ «Բանակ-2020» միջազգային ռազմատեխնիկական համաժողովի շրջանակներում:

ՀՀ պաշտպանության նախարար Դավիթ Տոնոյանը և փոխնախարար Մակար Ղամբարյանը ստորագրում են համաձայնագիրը

Փաստաթուղթը ստորագրել են ՀՀ պաշտպանության նախարարի տեղակալ Մակար Ղամբարյանը  և «Միավորված ավիաշինարարական ընկերություն» ՀԲԸ գլխավոր տնօրենի վաճառքի և մարքեթինգի գծով տեղակալ Իլյա Տարասենկոն:

Նշենք, որ Հայաստանի պատվիրակությանը պաշտպանության նախարար Դավիթ Տոնոյանի գլխավորությամբ Մոսկվայում մասնակցում էր «Բանակ-2020» միջազգային ռազմատեխնիկական ցուցահանդեսի և Միջազգային բանակային 6-րդ խաղերի բացման արարողությանը։

Սու-25 գրոհային ինքնաթիռները ստեղծվել են 1970-ականներին և նախատեսված էին ցամաքային զորքերի աջակցման համար։ Սու-25-երը կիրառվել են մի շարք զինված հակամարտություններում՝ 1979-1989 թթ. Աֆղանստանի պատերազմից մինչև 2008-ի Հարավային Օսիայի մարտերը։

ՀՀ ԶՈւ ապրիլյան վարժանյքներից. Սու-25 գրոհիչ
ՀՀ ԶՈւ ապրիլյան վարժանյքներից. Սու-25 գրոհիչ

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *