Օգոստոսի 18-ի կեսգիշերին ԱՄՆ-ն Սիրիայում բախման արդյունքում կորցրել է երեք անօդաչու թռչող սարք (ԱԹՍ)։
Այս մասին, Military Times մասնագիտացված կայքի փոխանցմամբ, հայտնել է ԱՄՆ պաշտպանական գերատեսչության պաշտոնյաներից մեկը։
Երեքշաբթի Twitter-ում տեղադրվել են վթարված անօդաչուների կադրեր, որոնցից երևում էր, որ դրանք MQ-9 Reapers տեսակի ԱԹՍ-ներ են։ Սակայն ամերիկացի պաշտոնյան չի հաստատել վթարված անօդաչուի տեսակը։ Միևնույն ժամանակ նա չի բացառել, որ ԱԹՍ-ները մինչև բախվելը հարվածի են ենթարկվել։
Հավելենք, որ վերջերս միջադեպ էր տեղի ունեցել Սիրիայում ԱՄՆ գլխավորած կոալիցիոն ուժերի և Սիրիայի կառավարական բանակի միջև, որի հետևանքով սիրիական բանակը զոհ և վիրավորներ ուներ։