Լիբանանում ՄԱԿ-ի հովանու ներքո իրականացվող ՅՈՒՆԻՖԻԼ (UNIFIL) խաղաղապահ առաքելության կազմում գործող Թուրքիայի զինված ուժերի զորախումբը ևս մեկ տարով կմնա այդ երկրում:
Թուրքիայի Ազգային մեծ ժողովը հավանության է արժանացրել երկրի կառավարության` Լիբանանում թուրք խաղաղապահների ներկայությունը մեկ տարով երկարաձգելու վերաբերյալ առաջարկը:
Համապատասխան որոշման օգտին են քվեարկել թուրքական խորհրդարանի ինչպես իշխող, այնպես էլ ընդդիմադիր պատգամավորների զգալի մասը:
Որոշվել է թուրք խաղաղապահների ներկայությունը Լիբանանում երկարաձգել մինչ 2014 թվականի սեպտեմբերի 5-ը:
Ներկայումս ՅՈւՆԻՖԻԼ խաղաղապահ առաքելությունը բաղկացած է 10.838 հազար խաղաղապահից:
ՅՈւՆԻՖԻԼ առաքելությունը Լիբանանում գործում է 1978 թվականից: Թուրքիայի խաղաղապահները 2006 թվականին են միացել առաքելությանը` ներկայանալով 1000 հոգանոց զորախմբով:
Հիշեցնենք, որ գարնանն Իտալիան պաշտոնապես դիմել է Հայաստանին ՅՈւՆԻՖԻԼ առաքելության կազմում հայկական զորախումբ ընդգրկելու առաջարկությամբ, որն պետք է իրականացնի առաքելության կենտրոնակայանի անվտանգության ապահովման գործառույթներ:
ՊՆ մամուլի ծառայության փոխանցմամբ` նախատեսվում է, որ արդեն այս տարվա ընթացքում Լիբանան է գործուղելու 2 հայկական խաղաղապահ դասակ:
Pingback: Ռազմաշաբաթ. Թուրքիա. հուլիսի 7-13 | Թուրքագիտական պորտալ