Հակառակորդը հարվածային ԱԹՍ-ով թիրախավորել է Բերդի քաղաքացիական ենթակառուցվածքները։ Տուժածներ չկան։
Այս մասին հայտնում է ՀՀ ՊՆ մամուլի խոսնակ Շուշան Ստեփանյանը։ Ավելի վաղ նա գրել էր, որ գիշերը ՀՀ ԶՈՒ մարտական դիրքերից դիտարկվել է հակառակորդի տանկի շարժ, որը մեր կողմից վարված կրակով կասեցվել է։
Հիշեցնենք, որ երեկ ադրբեջանական զինված ուժերը 82մմ տրամաչափի ականանետից յոթ արկ և 120մմ ականանետից 3 արկ էին արձակել Չինարի բնակավայրի ուղղությամբ՝ վնասելով բնակելի տներից մեկի տանիքը։