Երկու-երեք ժամվա դադարից հետո՝ առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։ ԶՈւ ստորաբաժանումների տվել են համարժեք պատասխան։ Չի բացառվում հակառակորդի կորուստների ավելացում։
Այս մասին իր ֆեյսբուքյան էջում գրել է ՀՀ ՊՆ մամուլի խոսնակ Շուշան Ստեփանյանը:
Հիշեցնենք, որ հուլիսի 12-ին ադրբեջանցի մի քանի զինծառայող ՈւԱԶ մակնիշի ավտոմեքենայով փորձել էին խախտել Տավուշի ուղղությամբ ՀՀ պետական սահմանը: Հայկական կողմի նախազգուշացումից հետո ադրբեջանցի զինծառայողները, թողնելով մեքենան, վերադարձել են իրենց դիրք:
Ժամը 13:45-ին ադրբեջանցի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով, հետ շպրտվել:
Հուլիսի 12-ի երեկոյան կողմերը հայտարարեցին Տավուշի ուղղությամբ փոխհրաձգության վերսկսման մասին:
Ադրբեջանն այս պահին պաշտոնապես հայտնել է 3 կորստի և 4 վիրավորի մասին:
Նշենք նաև, որ ՀՀ ՊՆ Դավիթ Տոնոյանը մշտական կապի մեջ է ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշչիկի հետ: Վերջին զրույցի ընթացքում պաշտպանության նախարարը տեղեկացրել է, որ հայկական բանակային զորամիավորման անձնակազմն ու հրամանատարությունը հրահանգավորված են դեռևս պահպանել զսպվածություն, իսկ հակառակորդիՀՀ սահմանների ուղղությամբ սադրանքների պարագայում
արձագանքել ըստ անհրաժեշտության` ընդհուպ մինչև նոր բարենպաստ դիրքերի զբաղեցում: