Ներկայիս Թուրքիայի տարածքում գտնվող Վան քաղաքում ավտոճանապարհային պատահարի հետևանքով ծանր վնասվածք ստացած շարքային Էնգին Շահինը մահացել է։
Թուրքիայի զինված ուժերի գլխավոր շտաբը ցավակցական հեռագիր է տարածել, որով հաստատել է զինծառայողի մահը։
Մայիսի 28-ին Վանում ռազմական ավտոմեքենան շրջվել էր, ինչի հետևանքով չորս զինվորներ տարբեր աստիճանի վնասվածքներ էին ստացել։
Շահինը ծանր վիճակով տեղափոխվել էր Անկարա, որտեղ էլ գտնվում է Թուրքիայի գլխավոր զինվորական հոսպիտալ-ինստիտուտը (GATA)։ 21-ամյա զինվորը երկար շաբաթներ բժիշկների հսկողության տակ է եղել, սակայն նրան փրկել չեն կարողացել։