Իրաքում կրկին թուրք զինծառայող է սպանվել

Հունիսի 26-ի առավոտյան Իրաքի հյուսիսում քուրդ զինյալների հետ բախումներում սպանվել է Թուրքիայի ԶՈւ զինծառայող հետևակի լեյտենանտ Յունուս Գյուլը։

Այս մասին հայտնել է զինծառայողի բնակավայր Ադըյաման նահանգի նահանգապետարանը։

Նշենք, որ սա գործողության ընթացքում Թուրքիայի զինված ուժերի երրորդ հայտնի դարձած կորուստն է։ Սոցցանցերում տարածվում են սպանված զինծառայողի լուսանկարները։

Իրաքի հյուսիսում սպանված թուրք զինծառայող Յունուս Գյուլը
Իրաքի հյուսիսում սպանված թուրք զինծառայող Յունուս Գյուլը

Հիշեցնենք, որ հունիսի 17-ին Թուրքիայի զինված ուժերը հայտնել էին Իրաքի հյուսիսային Հաֆթանին շրջանում «Քրդստանի աշխատավորական կուսակցության» (PKK) զինյալների դեմ «Ճանկ-վագր» (թրք․՝ “Pençe-Kaplan operasyonu”) կոչվող ռազմական գործողություն սկսելու մասին։ Այն հաջորդել է հունիսի 15-ի կեսգիշերին սկսված «Ճանկ-արծիվ» մեկօրյա ռազմագործողությանը:

Հավելենք, որ Թուրքիայի ԶՈւ-ն Իրաքի հյուսիսային շրջաններում PKK-ի դեմ գործողություններ է սկսել 2007 թ-ից։ Հակամարտությունը այդ տարածքներում շարունակվում է ավելի քան 10 տարի։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *