2019թ-ին Զինծառայողների ապահովագրության հիմնադրամը կատարել է 822 մլն. դրամի հատուցում։ Գումար է փոխանցվել 166 զինծառայողի ընտանիքի։
Այսօր կայացել է հիմնադրամի հոգաբարձուների խորհրդի 2019թ. տարեկան ամփոփիչ նիստը:
Գումար է փոխանցվել 2017-ին զոհված 10, զինհաշմանդամ դարձած 7 զինծառայողի ընտանիքի, 2015-2016թթ. զոհված 14, զինհաշմանդամ դարձած 4-զինծառայողի ընտանիքի, 2008-2014թթ․ զոհված 109, զինհաշմանդամ դարձած 22 զինծառայողի ընտանիքի:
Նշվում է, որ 2018 թվականի համեմատ, 2019-ին ավելի քան 1 միլիարդ դրամով ավելացել է հիմնադրամի կողմից հավաքագրվող գումարի ծավալը (շուրջ 8 մլրդ. դրամ), իսկ հիմնադրամի ընդհանուր ակտիվների ծավալն արդեն հատել է 24 մլրդ. դրամը։ Այս ցուցանիշն ավելի քան 2.5 միլիարդ դրամով ավելի է 2017-ին հավաքագրված գումարից։ 2019-ին, ամսական կտրվածքով, վճարումներ կատարողների թվաքանակն ավելացել է շուրջ 55.000-ով։
Հատկանշական է, որ փաստացի հիմնադրամի ակտիվների կառավարումից գոյացած գումարը, երկրորդ տարին շարունակ ավելի է, քան հիմնադրամի կողմից կատարված հատուցումները (միայն ակտիվների կառավարումից ստացվել է 1.3 միլիարդ դրամ, այնինչ փոխհատուցումների գումարը կազմել է 822 մլն. դրամ)
2017- 2018թթ. համեմատ 2019թ. նվիրաբերությունների ծավալն աճել է շուրջ 21 մլն. դրամով՝ կազմելով 115 մլն. դրամ:
Ավելացնենք, որ այսօրվա դրությամբ հիմնադրամից հատուցում է ստացել 401 ընտանիք։