Առաջին սերիական Սու-57 5-րդ սերնդի կործանիչի պետական փորձարկումները ավարտական փուլում են։ Այս մասին «Ինտերֆաքսին» հայտնել է փոխվարչապետ Յուրի Բորիսովը։ Նա նշել է, որ ինքնաթիռը գործնականում հաստատել է ժամանակակից մարտավարատեխնիկական առաջադրանքների բոլոր պահանջները։
Այս պահին արտադրված է 10 միավոր Սու-57 փորձարկումներ համար, որոնք ունեն 3500 թռիչքաժամանակ։ Սու-57-ները փորձարկումներ են անցել նաև Սիրիայում, մարտական պայմաններում։
2019 թվականի մայիսին Ռուսատանի ՊՆ-ն և կործանիչն արտադրող գործարանը կնքել էին 76 միավոր Սու-57-ի գնման պայմանագիր, որոնք պետք է համալրեն բանակը մինչև 2028 թվականը։ Առաջին միավորը բանակը պետք է ստանար 2019-ի վերջին, սակայն այն կործանվեց դեկտեմբերին։
Սու–57 կործանիչի հայտարարվող հիմնական մարտավարատեխնիկական բնութագիր.
- Անձնակազմ – 1 հոգի
- Առավելագույն արագություն – 2600 կմ/ժ
- Թռիչքի առավելագույն երկարություն – 5500 կմ
- Թռիչքի առավելագույն տևողություն – 5.8 ժամ
- Արագամբարձություն – 330 մետր/վրկ
- Գործնական բարձրահասություն – 20 կմ
- Առավելագույն թռիչքային քաշ – 35480 կգ
- Առավելագույն մարտական բեռնվածք – 10000 կգ