ԶՈւ 4-րդ կորպուսում անցկացվել է հարձակողական զորավարժություն

Մայիսի 6-8-ը ՀՀ ԶՈւ 4-րդ բանակային կորպուսի ստորաբաժանումները անցկացրել է մարտական հրաձգությամբ գումարտակային ցուցադրական զորավարժություն:

Գումարտակը բերվել է մարտական պատրաստականության բարձր աստիճանի, զբաղեցրել  նախորոշված շրջանները, պլանավորվել գրոհային գործողություններ: Այնուհետև ստորաբաժանումներն անցել են հարձակման լեռնային պայմաններում, գրավել պայմանական հակառակորդի հենակետերը՝ բարելավելով իրենց դիրքերն առաջնագծում:

Զորավարժության ընթացքում ստուգվել են հրամանատարական կազմի մարտի  նախապատրաստման և օպերատիվ գործելու հմտությունները, ստորաբաժանումների կրակի կառավարման և փոխգործակցման  կարողությունները:

Ընթացքին հետևել և ստորաբաժանումների պատրաստվածության աստիճանը բարձր է գնահատել ԶՈւ պատրաստության գլխավոր վարչության մարտական պատրաստության վարչության պետ, գեներալ-մայոր Վալերի Քոչարյանը: 

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *