Չինական արտադրության թեթև ուսումնամարտական Լ-15 ինքնաթիռը, որը նախատեսված է Զամբիայի ռազմաօդային ուժերի համար, կատարել է առաջին փորձնական թռիչքը։
Աֆրիկյան երկրի համար նախատեսված ուսումնամարտական ինքնաթիռի առաջին թռիչքն անցել է հաջող։
Չինաստանը պատրաստվում է 6 միավոր Լ-15 ինքնաթիռ փոխանցել Զամբիայի ռազմաօդային ուժերին։
Լ-15
Նշենք, որ Լ-15 ինքնաթիռների արտադրությամբ զբաղվում է չինական «Հոնգդու» ընկերությունը, որն այն ստեղծելու համար համագործակցել է «Յակովլև» ընկերության հետ, որն էլ արտադրում է «Յակ» սերիայի ինքնաթիռները։ Լ-15 ստեղծվել է փոխարինելու Hongdu JL-8 ինքնաթիռներին, որոնք արդեն հնացած են։
L-15 ինքնաթիռով հնարավոր է սովորել վարել Չինաստանի օդուժի սպառազինության մեջ մտնող մի շարք կործանիչներ, ինչպես նաև Սու-30, Սու-27 և Սու-33 ինքնաթիռներ։
L-15 ինքնաթիռի մեկ միավորի մոտավոր արժեքն է 10 մլն դոլար։ Առաջին թռիչքը կատարել է 2006 թվականին։ Այն զինված է «օդ-օդ» կառավարվող հրթիռներով, որոնք նախատեսված են կարճ հեռավորությունների համար։ Ինքնաթիռի շարժիչներն արտադրվում են Ուկրաինայում։