Թուրքիայի առափնյա անվտանգության ուժերի ենթակայության տակ նոր նավ է անցել։
«Ումութ» (Umut, թարգմանաբար՝ «հույս») անունը կրող նավը նախատեսված է բաց ծովում և վատ եղանակային պայմաններում աշխատելու համար։
Թուրքիայի զինված ուժերը պատվիրել է 4 նավ «Առափնյա անվտանգության որոնողափրկարարական նավ» ծրագրի շրջանակներում։ Այս նավերով թուրքական կողմը փորձելու է փրկարարական գործողություններ իրականացնել և պայքարել մաքսանենգության դեմ։
«Ումութը» թվով երկրորդ նավն է ծրագրով նախատեսված 4 նավերից։ Այն ծառայության է անցնելու Մարմարիսում և հսկելու է Էգեյան ծովի առափնյա տարածքները, տեղեկացնում է Թուրքիայի զինված ուժերի գլխավոր շտաբի պաշտոնական կայքը։
Նշենք, որ «Ումութ» նավի արտադրությամբ զբաղվել է Ստամբուլում տեղակայաված RMK Marine Shipyard ընկերությունը, որի հետ 4 նավերի կառուցման պայմանագիրը կնքվել է 2007 թվականին։
RMK Marine Shipyard ընկերությունը պատկանում է թուրքական «Քոչ» հոլդինգին։
Pingback: Թուրքիայի ռազմական բյուջեն աճել է մոտ 1 մլրդ դոլարով | Ռազմ.info