Այսօր՝ ժամը 02։20-ի սահմաններում, Ադրբեջանի Գանձակ քաղաքի N38 զինավանում հրդեհ էր բռնկվել։
Ադրբեջանի ԱԻՆ պետական հակահրդեհային ծառայության Գանձակի հակահրդեհային վերահսկողության վարչությունից հաղորդում են, որ հրդեհը սկսվել է ուշ գիշերը, որոշ ժամանակ անց դեպքի վայր են ժամանել 5 հրշեջ մեքենա։
Հրշեջներին հաջողվել է չեզոքացնել հրդեհը։
Ըստ նույն աղբյուրի՝ հրդեհի պատճառով վառվել է ու վնասվել ընդհանուր առմամբ 500 մ² տարածք։ Հրդեհից տուժածներ չկան։
Պաշտոնական հայտարարություններ փաստի առնչությամբ չեն արվել։ Հրդեհի պատճառները դեռևս անհայտ են։