«Պրոտոն-Մ» հրթիռ-կրիչը թվով երեք «Գլոնաս-Մ» նավիգացիոն արբանյակների հետ վայր է ընկել արձակումից մեկ րոպե անց։
Հրթիռ-կրիչը տիեզերք է արձակվել հուլիսի 2-ին Ղազախստանի Բայկոնուր տիեզերական թռիչքների կայանից։
Արձակումից քիչ անց հրթիռը սկսել է կորցնել արագությունը, շրջվել է, օդում մաս-մաս եղել, հրդեհվել, ապա ընկել գետնին և պայթել։
Հրթիռ-կրիչի խափանման պատճառները ճշտվում են։ Կործանման պատճառով տուժածներ չկան։ Հրթիռի արձակման աշխատանքներով զբաղվող խումբը կարողացել է պատսպարվել ապաստարանում։
Նշենք, որ նախօրեին հայտնի էր դարձել «Գլոնաս» արբանյակներից մեկի խափանման մասին։