«Կորնետ»–ով հագեցած թուրքական հակատանկային «Քապլանները» դրվել են սերիական արտադրության

Թուրքիայի ԶՈւ ցամաքային ուժերը ստացել են տեղական FNSS ռազմարդյունաբերական ընկերության արտադրած «Քապլան» ինքնագնաց հակատանկային զրահամեքենաների նոր խմբաքանակը՝ բաղկացած վեց միավորից։ Այսպիսով՝ զրահամեքենաները դրվում են սերիական արտադրության։

Եվս երկու միավոր մատակարարվել է դեռ անցած տարվա դեկտեմբերին։ 8 միավորն էլ հագեցած են ռուսական «Կորնետ» հակատանկային հրթիռային համալիրներով։ Այս մասին հայտնում է Jane՛s մասնագիտացված հանդեսը։

Թուրք-ինդոնեզական համատեղ նախագծման «Կապլան-ՄՏ» թեթև տանկի նախատիպ

Թուրքիան FNSS ընկերության հետ կնքել էր 260 միավոր «Քապլան» հակատանկային զրահամեքենաների գնման պայմանագիր դեռ 2016 թվականին։ 260 միավոր ինքնագնաց հակատանկային համակարգերը, այդ թվում՝ 184 միավոր թրթուռավոր և 76 միավոր անվային ընթացամասով, նախատեսվում է Թուրքիայի ԶՈւ սպառազինությանը հանձնել 2020 թվականից:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *