Թուրքիայի պաշտպանության նախարարը մեկնել է Սիրիայի սահման

Իդլիբում Սիրիայի կառավարական ուժերի հետ բախումներից հետո Թուրքիայի պաշտպանության նախարար Հուլուսի Աքարը ԶՈւ ԳՇ պետ Յաշար Գյուլերի հետ մեկնել է Սիրիայի սահման։

Այս մասին հայտնում է Թուրքիայի ՊՆ֊ն, փոխանցում է պետական «Անադոլու» լրատվական գործակալությունը։

Նշվում է, որ Աքարը պետք է այսօր նախագահ Ռեջեփ Թայիփ Էրդողանի հետ մեկներ Կիև, սակայն Իդլիբի բախումներից հետո Էրդողանի հետ չի մեկնել։

Թուրքիայի պաշտպանության նախարար Հուլուսի Աքարը
Թուրքիայի պաշտպանության նախարար Հուլուսի Աքարը

Հիշեցնենք, որ այսօր Իդլիբում Սիրիայի բանակի հետ բախումներում սպանվել էր 4, վիրավորվել՝ 9 թուրք զինծառայող։ Թուրքական կողմը խոստանում էր, որ «այս կորուստներն անպատասխան չեն մնալու»։ Ավելի ուշ Էրդողանը հայտարարեց, որ թուրքական ուժերի հարվածներից «չեզոքացվել է» Սիրիայի կառավարական բանակի 30-35 զինծառայող։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *