Ստոկհոլմյան SIPRI ինստիտուտի տվյալների՝ 2018 թ. ամենաշատ ռազմական արտադարանք վաճառած 100 երկրի ցանկում կա 10 ռուսաստանյան ընկերություն: Ըստ որում՝ նշվածների մեծ մասը կորպորացիաներ են, որոնց կազմում կան տարբեր առաջատար ընկերություններ: Ռուսաստանին բաժին է ընկել համաշխարհային զենքի վաճառքի 8,6 տոկոսը (36,2 մլրդ ԱՄՆ դոլար):
Վերջին տարիներին Ռուսաստանի ռազմարդյունաբերական ընկերությունները զգալիորեն ավելացրել են ռազմական արտադրանքի վաճառքի ծավալները: Ըստ նույն SIPRI-ի՝ 2015 թ. ՌԴ-ին բաժին էր ընկել զենքի համաշխարհային վաճառքի 3,8 տոկոսը, 2017–ին՝ 7.1 տոկոսը:
| 2018 | 2017 | Ընկերություն | վաճառք (մլն $) | Ռազմական արտադրանքի բաժինը |
| 9 | 10 | Алмаз-Антей | 9640 | 98 % |
| 18 | 15 | Объед. судостроительная корп. | 4700 | 84 % |
| 15 | 14 | Объединенная авиастроительная корп. | 5420 | 83 % |
| 52 | 37 | Вертолеты России | 1810 | 60 % |
| 26 | 24 | Тактическое ракетное вооружение | 3600 | 98 % |
| 40 | 35 | Высокоточные комплексы | 2630 | 97 % |
| 33 | 32 | Объед. двигателестр. корп. | 2950 | 76 % |
| 64 | 68 | Уралвагонзавод | 1370 | 62 % |
| 53 | 46 | «Концерн Радиоэлектронные технологии» | 1770 | 92 % |
| 45 | 43 | Росэлектроника | 2330 | 87 % |
«Ալմազ–Անտեյ» ընկերությունը վերջին 10 տարում երկրորդ անգամ թոփ 10–ում է և ծածկում է թոփ 100–ում հայտված ռուսական ընկերություների ռազմական արտադրանքի վաճառքի 27 տոկոսը:
Ընկերության վաճառքը նախորդ տարվա համեմատ աճել է 18 տոկոսով, ինչը պայմանավորված է ոչ միայն ներքին պատվերների աճով, այլև օտարերկրյա պատվիրատուների հետ գործարքներով։ Հիշեցնենք, որ ընկերությունը Թուրքիայի և Հնդկաստանի համար արտադրում է Ս-400 ԶՀՀ համակարգեր։
Ի հակառակ «Ալմազ–Անտեյի» ցուցանիշին, «Ռուսաստանի ուղղաթիռներ» հոլդինգը զիջել է դիրքերը 15 հորիզոնականով։ «Միացյալ ավիաշինական կորպորացիան» և «ԿՐԵՏ»–ի վաճառքի ծավալները ընկել են մինչև 15 տոկոս։
SIPRI-ն գրում է, որ ցանկում ներառված բոլոր ռուսական ընկերությունների բաժնետերը պետությունն է և դրանք կախվածություն ունեն ներքին ռազմական պատվերներից։
Ավելացնենք, որ պետությունը փորձում է շտկել իրավիճակը*՝ ընկերություններից պահանջելով, մեծացնեն քաղաքացիական արտադրանքի թողարկման բաժինը։ Դեռ 2016–ին, Ռուսաստանի նախագահ առաջադրանք էր տվել աստիճանաբար քաղաքաիական արտադրանքի ծավալները մինչև 2030 հասցնել 50%–ի:
*Առհասարակ ռազմական և քաղաքացիական սպառման արտադրանքի հավասարակշռումը նվազեցնում է գործարանների սնանկանալու ռիսկերը։
Այս ցուցակները բավականին հարաբերական են, քանի որ շատ հաճախ ցուցակ կազմող ինստիտուտները, կայքերը հիմնվում են բաց աղբյուրների տվյալների վրա, որոնք կարող են ստույգ չլինել:
Ցուցակի մասին կարող եք կարդալ այստեղ։* Ցուցակում առհասարակն ընդգրկված են չինական ընկերություները: Ըստ SIPRI-ի՝ նրանք հստակ տվյալներ չեն գտել։
