Ռուսաստանը ստացել է 2019 թվականին նախատեսված 10 միավոր ՍՈւ-35 կործանիչները

Ամուրի–Կոմսոմոլսկի ավիագործարանը ռուսական բանակին է փոխանցել պայմանագրով 2019 թվականի համար նախատեսված 10 միավոր ՍՈւ-35Ս կործանիչները։ Նույն պայմանագրով ևս 10 միավոր ՍՈւ–35Ս գործարանը ՌԴ ՊՆ–ին կփոխանցի 2020 թվականին։

Այս մասին հայտնել է ՌԴ ՊՆ փոխնախարար Ալեքսեյ Կրիվորուչկոն. փոխանցում է «ՏԱՍՍ» գործակալությունը։ Պաշտոնյան նաև հայտնել է, որ վերանշված 10 ինքնաթիռերից 4–ը փոխանցելու են «Ռուսկիե վիտյազի» ավիախմբին։

«Ռուսկիե Վիտյազի» ավիախմբին փոխանցված ՍՈւ–35Ս կործանիչ․ նկարը՝ bmpd բլոգի
«Ռուսկիե Վիտյազի» ավիախմբին փոխանցված ՍՈւ–35Ս կործանիչ․ նկարը՝ bmpd բլոգի

Սու–35 կործանիչների մատակարման առաջին պայմանագիրը կնքվել է 2009 թվականին և 2015 թվականին Ռուսաստանը ստացել է պատվիրած 48 միավոր կործանիչները։ Նույն տարում կնքվել է նաև երկրորդ պայմանագիրը, որով Ռուսաստանը նախատեսում է մինչև 2020 թվականը ստանալ ևս 50 միավոր ՍՈւ–35Ս։ Նշված 50 միավորից 40–ը արդեն համալրել է ռուսական բանակը։

ՍՈւ–35Ս–ի առաջին արտասահմանյան գնորդը Չինաստանն է։ 2015 թվականին կնքված պայմանագրով Չինաստանը իր 24 միավոր ՍՈւ–35Ս–երը ստացել էր 2018 թվականին՝ 5 խմբաքանակով։

Նշենք նաև, որ ՍՈւ-35 կործանիչները մասնակցել են Սիրիայում ընթացող մարտական գործողություններին:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *