Ամերիկացի գեներալին մեղադրում են պետական գաղտնիքի հրապարակման համար

Միացյալ Նահանգների շտաբի պետերի միացյալ կոմիտեի ղեկավարի նախկին տեղակալ Ջեյմս Քարթրայթին մեղադրում են պետական գաղտնիքների հրապարակման համար, տեղեկացնում  է NBC-ն։

Ամերիկացի բարձրաստիճան զինվորականն անցնում է Իրանի դեմ կիբերհարձակման վերաբերյալ տեղեկատվության արտահոսքի վերաբերյալ գործով։

Ջեյմս Քարթրայթ

Ջեյմս Քարթրայթ

Մասնավորապես, 2010 թվականին Stuxner վիրուսը շարքից հանել էր Իրանի միջուկային կայանների համակարգիչները։ Վիրուսի ստեղծման համար մեղադրվում էին ԱՄՆ-ն և Իսրայելը։

2012 թվականին The New York Times-ը տվյալներ էր հրապարակել ամերիկյան այս գաղտնի ծրագրի մասին և այսպիսով հաստատել, որ Իրանի դեմ կիբերհարձակումն իրականացրել էր Միացյալ Նահանգները։

Ամերիկյան հատուկ ծառայությունները հետաքննություն էին սկսել՝ պարզելու տեղեկատվության արտահոսքի աղբյուրը։ Հետաքննության արդյունքում էլ պարզ է դարձել,  որ տեղեկատվության արտահոսքի հետ կապ ունի գեներալ Քարթրայթը։

63-ամյա Քարթրայթը 2007-ից 2011 թվականներին զբաղեցրել է ԱՄՆ-ի շտաբի պետերի միացյալ  կոմիտեի  ղեկավարի տեղակալը, որը ամերիկյան զինված ուժերում համարվում է երկրորդ ամենաբարձր պաշտոնը։ 2011 թվականին ծովային հետևակի գեներալն ավարտել է զինվորական ծառայությունն ու անցել պահեստազոր։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *