Հոկտեմբերի 3-ի ՀՀ կառավարության նիստիմ որոշում ընդունվեց հոկտեմբերի 20-ից 40 օրով հայտարարել պահեստազորի առաջին խմբի առաջին կարգում հաշվառված շարքային, ենթասպայական և սպայական կազմերի պահեստազորայինների վարժական հավաքներ։
Որոշման նախագծում ասվում է, որ հավաքներին ներգրավվելու է ընդհանուր 316 քաղաքացի, որոնցից 220–ը` շարքային կազմից, 12-ը` ենթասպա, 84-ը` սպա պահեստազորայիններ:
Վարժական հավաքների նպատակն է պահեստազորում հաշվառված քաղաքացիների`
1) ռազմական ունակությունների կատարելագործման,
2) մասնագիտական վերապատրաստման,
3) մասնագիտական պատրաստման,
4) բարձրագույն կրթություն ունեցող ենթասպայական կազմից պահեստազորի սպաների պատրաստման նպատակով:
Նախագծում որպես իրավական ակտի ընդունման անհրաժեշտություն նշվում է, որ այն պայմանավորված է պահեստազորի առաջին խմբում հաշվառված շարքային, ենթասպայական և սպայական կազմերի պահեստազորայինների ռազմական հմտությունների կատարելագործման, վերապատրաստման և պատրաստման վարժական հավաքների անցկացման անհրաժեշտություն:
Կառավարության նիստի ընթացքում պաշտպանության նախարար Դավիթ Տոնոյանը նշել է, որ վարժանքները ընթացիկ զորավարժության հետ կապ չունեն, դրանք տարբեր են: