Սեպտեմբերի 3–ին Ստավրոպոլի երկրամասում՝ Ռուսաստանի ԶՈւ Հարավային ռազմական շրջանում, կործանվել է Սու–25ՈՒԲ ուսումնամարտական գրոհիչ։ Օդաչուները ինքնաթիռը պլանային ուսումնական թռիչքի են հանել «Բուդյոնովսկ» աէրոդրոմից։ Ավիավթարի պատճառները հայտնի չեն։
Այս մասին հայտնում է «ՏԱՍՍ» գործակալությունը։
Ինքնաթիռը վթարվելուց հետո ընկել է չբնակեցված տարածքներում, օդաչուները հասցրել են դուրս թռչել Սու–25ՈւԲ–ից, նրանց գտնվելու վայրը դեռ հայտնի չէ։ Անձնակազմի որոնողական աշխատանքների համար ներգրավվել են ուղղաթիռներ։
Ավելի ուշ հայտնի է դարձել, որ ռազմական շրջանում արտակարգ պատահարի պատճառներն ուսումնասիրելու նպատակով դադարեցվել են գրոհիչների ուսումնական թռիչքները։