ՀՀ ԶՈւ զինծառայողները Վրաստանում լեռնային պատրաստության դասընթաց են անցնում

Վրաստանի ԶՈւ Սաչխերեի լեռնային պատրաստության դպրոցում ՀՀ ԶՈւ զինծառայողները հունիսի 16-ից մասնակցում են ամառային դասընթացին, որն անցկացվում է ՆԱՏՕ-ի «Գործընկերություն հանուն խաղաղություն» ծրագրի (NATO Partnership for Peace) շրջանակներում:

Այս մասին հայտնում է Վրաստանի ՊՆ կայքը:

Դասընթացին մասնակցում է 40 զինծառայող՝ ԱՄՆ-ից, Մեծ Բրիտանիայից, Լիտվայից, Լատվիայից, Էստոնիայից, Չեխիայից, Լեհաստանից, Ուկրաինայից և Հայաստանից:

Ժայռամագլցման պարապմունք Սաչխերեի լեռնային պատրաստության դպրոցում

Պարապմունքները տևելու են մինչև հուլիսի 5-ը: Դրանց ընթացքում մասնակիցները սովորելու են ժայռամագլցման, լեռնային պայմաններում խոչընդոտների հաղթահարման, գետանցման և այլ հմտություններ:

Նշենք, որ ՀՀ ԶՈւ զինծառայողները նախորդ տարիներին ևս մասնակցել են այս դասընթացին:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *