Զաքիր Հասանովը կմեկնի Բելառուս

Ադրբեջանի ԶՈւ պատվիրակությունը Մինսկում հուլիսի 3-ին կմասնակցի Բելառուսի անկախության օրվան նվիրված զորահանդեսին։ Ներկա է լինելու նաև Ադրբեջանի պաշտպանության նախարար Զաքիր Հասանովը։

Այս մասին հայտնում է Ադրբեջանի պաշտպանության նախարարությունը։ Ըստ աղբյուրի՝ Հասանովը Բելառուս կմեկնի այսօր՝ հուլիսի 2-ին, որտեղ պաշտոնական հանդիպումներ կունենա բելառուս գործընկերների հետ։

Նշենք, որ Բելառուսում անցկացվելիք զորահանդեսին մասնակցելու են նաև Ռուսաստանի և Չինաստանի ԶՈւ զորախմբերը։

Հիշեցնենք, որ այս տարվա մարտի 23-ին էլ Ադրբեջանի ԶՈւ պատվիրակությունը մասնակցեց Պակիստանի մայրաքաղաք Իսլամաբադում անցկացված զորահանդեսին։ Զորահանդեսին մասնակցում էր խաղաղապահ ուժերի ստորաբաժանում:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *