Ամերիկյան MD Helicopters ընկերությունն առաջարկել է Սալվադորին սկսել քաղաքացիական ու ռազմական բազմաթիրախային ուղղաթիռների սերիական արտադրություն։
Ըստ Սալվադորի նախագահական աղբյուրների և Infodefensa կայքի, եթե Սալվադորի իշխանությունները հաստատեն գործարքը, ապա MD Helicopters-ը երկրի տնտեսությունում 20 մլն դոլարի ներդրում կկատարի, տեխնոլոգիաներ կտրամադրի ու կմասնակցի արտադրամասի կառուցման աշխատանքներին։
Բացի այդ, MD Helicopters-ը ուղղաթիռների պահեստամասեր կտրամադրի Սալվադորին, կզբաղվի օդաչուների ու տեխնիկների վերապատրաստմամբ, նոր արտադրամասի հիմնումն էլ աշխատատեղեր կստեղծի։ Չի բացառվում, որ ամերիկյան արտադրության սալվադորյան ուղղաթիռներն արտահանվեն երրորդ երկրներ։
MD500E ուղղաթիռներ
Նշենք, որ ներկայումս Սալվադորում գործում է դեռևս 1991-ին հիմնված, MD Helicopters-ի պաշտոնական ներկայացուցչությունը։ 2012-ի սեպտեմբերին ներկայացուցչությունը մասնակցել է ԱՄՆ-ի կողմից անվճար տրամադրված 3 միավոր MD500E ուղղաթիռների արդիականացման աշխատանքներին։