ԱՄՆ–Թուրքիա հարաբերություններում Թուրքիայի կողմից ռուսական Ս–400 «Տրիումֆ» ՀՕՊ համակարգերի գնման պատճառով առաջացած խնդիրները քննարկելու ու լուծելու համար Անկարան Վաշինգտոնին առաջարկել էր ստեղծել հատուկ հանձնաժողով, սակայն այժմ ՆԱՏՕ–ի, Ռուսաստանի և Եվրոպայի հարցերով Պենտագոտնի մամուլի խոսնակ Էրիկ Փահոնը հայտարարել է, որ այդ հանձնաժողովը, մինևնույնն է, չի փոխելու այս հարցում ԱՄՆ դիրքորոշումը։
Այս մասին Պենտագոնի մամուլի քարտուղարը խոսել է թուրքական «Ահվալ» գործակալության հետ։ Փահոնը հայտարարել է, որ ԱՄՆ–ն ու Թուրքիան համագործակցում են տարբեր աշատանքային խմբերով ու ավելին՝ «Վաշինգտոնը պատրաստ է տարբեր հարցերի շուրջ մի քանի հանձաժողովներ ստեղծել», սակայն Ս–400-ների գնման հարցում ԱՄՆ–ն իր դիրքորոշումը չի փոխել։
«Մենք պատրաստ ենք Թուրքիայի հետ տարբեր այլ հարցերում համագործակցել, սակայն այս հարցում մեր դիրքորոշումը հստակ է»,– ասել է Փահոնը, անդրադարձառնալով մայիսի 31-ին ամերիկյան Bloomberg գործակալության հրապարակած այն տեղեկությանը, թե Էրդողանն ու Թրամփը հեռախոսազրույցի ընթացքում համաձայնել են համատեղ աշխատանքային խումբ ստեղծել։
Հիշեցնենք, որ Bloomberg գործակալության տեղեկություններով՝ երկու ղեկավարները քննարկել էին, թե ինչով պետք է զբաղվի նոր ստեղծվող մարմինը։ Էրդողանն առաջարկել էր համատեղ քննարկել ու հասկանալ, թե ինչ ռիսկեր կարող է ունենալ ռուսական համակարգի և ամերիկյան կործանիչի միևնույն տարածքում լինելը։ ԱՄՆ նախագահն էլ համաձայնել էր՝ շեշտելով, որ հանձնաժողովի եզրակացությունն, ամեն դեպքում, հաստատելու է ամերիկյան կողմի դիրքորոշումը։
Հավելենք նաև, որ վերոնշյալ հեռախոսազրույցի ընթացքում Էրդողանն ու Թրամփը պայմանավորվել են Ս-400-ների հարցը քննարկել հունիսի 28-29-ին Ճապոնիայում՝ G20 գագաթաժողովի շրջանակներում։