Հնդկաստանը հնարավոր է վարկ տա Ղրղզստանին՝ զենք գնելու համար

Հնարավոր է Ղրղզստանը սպառազինություն ձեռքբերելու համար 100 մլն դոլարի վարկ վերցնի Հնդկաստանի կառավարությունից։

Այս մասին հայտնում է հնդկական The Economic Times պարբերականը՝ հղում անելով իր աղբյուրներին։

Պարբերականը գրում է, որ վերջին ամիսներին Ղրղզստանից զինվորական պատվիրակություններ են այցելել Հնդկաստանի տարբեր մասնավոր ձեռնարկություններ և ընտրել են երեք տեսակի սպառազինություն։

Երկիրը հետաքրքրված է մասնավորապես Zen Technologies Ltd ընկերության արտադրանքով: Ընկերությունը արտադրում է նաև հրազենային զենքեր Տ-72 և Տ-90 տանկերի, ինչպես նաև ԲՄՊ–ների համար։ Նշենք, որ Հնդկաստանը իր տարածքում արտադրում է Տ-90ՄՍ տանկեր։

Ղրղզները հետաքրքրություն են ցուցաբերել նաև Larsen and Toubro (L&T) և MKU ընկերությունների արտադրանքների նկատմամբ։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *