Մայիսի 16-ին Ադրբեջանի ՊՆ տեղակալ – նյութատեխնիկական ապահովման գլխավոր վարչության պետ Ֆուադ Մամմադովը ընդունել է չեխական զինագործական Ceska Zbrojovka Group SE ընկերության ղեկավար Լյուդոմիր Կովարիկին։
Այս մասին հայտնում է Ադրբեջանի ՊՆ կայքը։ Հայտարարության մեջ նշվում է, որ հանդիպման ընթացքում Կովարիկը ներկայացրել է իրենց արտադրանքը և դրանց մարտավարատեխնիկական բնութագրերը։
Ceska Zbrojovka ընկերությունը արտադրում է հիմնականում ատրճանակներ, հրաձգային զինատեսակներ, ինչպես նաև ռազմական հանդերձանք։ Հատկանշական է, որ այս ընկերությունը 2018-ից մտել է չեխական խոշոր «Չեխոսլովակ Գրուպ» հոլդինգի մեջ, որն էլ հենց զբաղվել է Ադրբեջանին ինքնագնաց «Դանա» հրետանային համակարգի և RM-70 ՀԿՌՀ-ի վաճառքով։
Հավելենք նաև, որ այս օրերին պաշտոնական այցով Ադրբեջանում է Չեխիայի խորհրդարանի ղեկավարի գլխավորած պատվիրակությունը։