Հայաստանում ռուսական բազան հակաահաբեկչական վարժանքներ է արել

Մայիսի 2–ին Ռուսաստանի ԶՈւ Հարավային ռազմական շրջանի՝ Հայաստանում տեղակայված 102–րդ ռազմաբազայում անցկացվել են վարժանքներ։ Զինծառայողները հայտնաբերել են պայմանական հակառակորդի դիվերսիոն խմբին և հանձնել են ռազմական ոստիկանությանը։

Այս մասին հայտնում է ՌԴ ՊՆ կայքը։ Վարժանքների ժամանակ կիրառվել են «Տիգր», «Թայֆուն» զրահամեքենաներ, անօդաչու թռչող սարքեր։ Նմանատիպ վարժանքներ անցկացվել են նաև Հարավային Օսիայում և Աբխազիայում տեղակայված ՌԴ ԶՈւ ՀՌՇ 4–րդ և 7–րդ ռազմաբազաներում։ Ընդհանուր առմամբ միջոցառմանը մասնակցել են մոտ 1000 զինծառայող։

Հայաստանում տեղակայված 102–րդ ռազմաբազայի զինծառայողները հակաահաբեկչական վարժանքներ են կատարել նաև ՀՕՊ և ավիացիոն ստորաբաժանումների մասնակցությամբ։ Պայմանական հակառակորդի ավիացիայի մասսայական հարձակմանը դիմակայել են ՄիԳ–29 կործանիչներն ու Ս–300 զենիթահրթիռային համալիրները։

ՌԴ ԶՈւ 102–րդ ռազմաբազայի ՄիԳ–29 կործանիչները «Էրեբունի» ավիաբազայում․ նկարը՝ ՀՌՇ մամուլի ծառայությունից
ՌԴ ԶՈւ 102–րդ ռազմաբազայի ՄիԳ–29 կործանիչները «Էրեբունի» ավիաբազայում․ նկարը՝ ՀՌՇ մամուլի ծառայությունից

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *