Թուրք զինծառայողները ծանոթացել են Ադրբեջանի ԶՈւ տեխնիկային

Զորավարժությանը մասնակցելու համար Ադրբեջան ժամանած թուրք զինծառայողներին են ներկայացրել թուրք-ադրբեջանական համատեղ զորավարժությանը կիրառվելիք զինտեխնիկայի և զենքերի նմուշներ:

Ցուցադրված միջոցների թվում են Տ-90 և Տ-72 տանկեր, ԲՏՌ-82Ա զրահափոխադիչ, SandCat զրահամեքենա, բեռնատար մեքենաներ, 82մմ 2Բ14 «Պոդնոս» և 120մմ 2Ս12 «Սանի» ականանետեր, «Իգլա» ԶՀՀ, հրաձգային միջոցներ ևն: 

Զենքի ցուցադրություն Ադրբեջանում՝ թուրք զինծառայողների համար
Զենքի ցուցադրություն Ադրբեջանում՝ թուրք զինծառայողների համար

Նույն միջոցառմանը թուրքական կողմը ևս ցուցադրել է իր հետ բերած միջոցները: Հրաձգային զինատեսակներից բացի՝ թուրքական կողմը կիրառելու է նաև 81մմ ականանետ: 

Հիշեցնենք, որ մայիսի 1-3-ը Ադրբեջանում անկացվելու է «Մուստաֆա Քեմալ Աթաթուրք–2019» անունը կրող թուրք-ադրբեջանական համատեղ մարտավարական զորավարժություն. մասնակցության համար Ադրբեջան է ժամանել թուրքական ստորաբաժանում:

Ըստ Ադրբեջանի ՊՆ-ի՝ վարժանքներին ներգրավվելու է զրահատեխնիկա, հրետանային միջոցներ, ավիացիա, և ՀՕՊ միջոցներ: 

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *