ԻՀՊԿ–ն նոր հրամանատար ունի

Ապրիլի 21–ին Իրանի հոգևոր առաջնորդ այաթոլլահ Ալի Խամենեին Իրանի Իսլամական հեղափոխության պահապանների կորպուսի (ԻՀՊԿ) նոր հրամանատար է նշանակել բրիագադային գեներալ Հոսեյն Սալամիին։ Նրան միաժամանակ տրվել է գեներալ–մայորի կոչում։ 

Այս մասին հայտնում է իրանական «Թասնիմ» լրատվական գործակալությունը։ Սալամին նախկինում ԻՀՊԿ հրամանատարի տեղակալ էր և այժմ այս պաշտոնում փոխարինում է Մուհամմադ Ալի Ջաֆարիին։ 

ԻՀՊԿ նոր հրամանատար, գեներալ–մայոր Հոսեյն Սալամին
ԻՀՊԿ նոր հրամանատար, գեներալ–մայոր Հոսեյն Սալամին

Իրանի զինված ուժերի մամուլի խոսնակ Աբոլֆազլ Շեքարչին մեկնաբանելով ԻՀՊԿ հրամանատարի փոփոխությունը, հայտարարել է, որ Սալամիին այս պաշտոնում նշանակելը «հուժկու պատասխան էր թշնամիներին [ԱՄՆ–ին – Ռազմինֆո խմբ.]»։ 

Նշենք, որ ԱՄՆ նախագահ Դոնալդ Թրամփը ապրիլի 8-ին որոշում ընդունեց ԻՀՊԿ–ն օտարերկրյա ահաբեկչական կազմակերպությունների ցանկի մեջ ընգրկելու մասին։ Ի պատասխան՝ Իրանը ահաբեկչական կառույց ճանաչեց Մերձավոր Արևելքում ԱՄՆ ԶՈւ կենտրոնական հրամանատարությունը:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *