Ապրիլի 18-ին Նախիջևանի առանձին համազորային բանակի ուսումնամարզական կենտրոնում անցկացվել են վարժասարքերով (սիմուլյատոր) պլանային վարժանքներ, որոնց հետևել են Նախիջևանի ղեկավար Վասիֆ Թալիբովը և բանակի հրամանատար գեներալ–լեյտենանտ Քերեմ Մուստաֆաևը։
Այս մասին հայտնում է Նախիջևանի պետական «Նուհչիխան» լրատվական գործակալությունը։ Աղբյուրը հայտնում է, որ այս ուսումնական կենտրոնում կա ընդհանուր 81 վարժասարք։ Դրանց թվում են՝
• Թուրքական T-122 «Սաքարյա» T-300 «Քասրղա» համազարկային կրակի ռեակտիվ համակարգերի արձակման, մարտկոցի ղեկավարման մեքենաների ու մետեոկայանի վարժասարքեր;
• ԲՄՊ-2/3 հետևակի մարտական մեքենաների վարժասարքեր;
• Տ-72/90 տանկերի վարժասարքեր;
• Spike-ER և LR հակատանկային միջոցների վարժասարքեր;
• 122մմ «Գվոզդիկա» ինքնագնաց հրետանային համակարգի վարժասարքեր։
Բացի այդ՝ Քերեմ Մուստաֆաևը հայտարարել է, որ 2019թ. առաջին եռամսյակում անցկացվել է 16 բրիգադի հրամանատարաշտաբային վարժանք, որից՝ 8-ը իրական, 8-ը՝ վարժասարքերով։ Անցկացվել է 3 հրամանտարաշտաբային մոբիլիզիացիայի վարժանք, 2 շտաբային մարզումներ, կառավարման կետերի բացման համար հրամանտարաշտաբային մարզումներ, ինչպես նաև ինքնաթիռների և ուղղաթիռների 50 ժամից ավել ուսումնամարզական թռիչքներ։