Ռուսաստանը պատրաստ է երկարաձգել և ընդարձակել Հնդկաստանում Տ-90 ընտանիքի տանկերի արտադրությունը՝ պայմանավորված Հնդկաստանի՝ տանկերի նոր խմբաքանակ գնելու որոշմամբ։
Այս մասին «ՌԻԱ Նովոստի» գործակալությանը հայտնել են Ռուսաստանի ռազմատեխնիկական համագործացկության դաշնային ծառայությունը*։
*Ռուսաստանը ռազմատեխնիկական համագործացկության դաշնային ծառայությունը երկրի գործադիր իշխանության մարմինն է, որը օրենսդրությամբ սահմանված կարգով իրականացնում է ռազմատեխնիկական համագործակցության համակարգումն այլ երկրների հետ։
Մի քանի օր առաջ Հնդկաստանի կառավարությունը հաստատել էր Ռուսաստանից 2 մլրդ դոլարի 464 միավոր Տ–90ՄՍ տանկերի գնման հայտը։ Պայմանագիրը, սակայն, դեռ չի կնքվել, և այս պահին պարզ չէ՝ Հնդկաստանին պատրաստի տանկեր են տրամադրվելու, թե՞ բաղադրիչներ` դրանք արտոնագրով հավաքելու համար։
2017-ին ծառայության ղեկավարի տեղակալը հայտարարել էր, որ Ռուսաստանը համաձայնել է երկարաձգել Հնդկաստանում Տ-90Ս տանկերի արտադրման արտոնագիրը։
2001-ին Հնդկաստանը Ռուսաստանի հետ կնքել է 1 մլրդ ԱՄՆ դոլարի պայմանագիր, որով հնդկական գործարաններում արտոնագրով 1000 Տ-90 տանկեր արտադրելու իրավունք է ստացել։ Հնդկաստանում արտադրված առաջին տանկերը զինված ուժերին են տրամադրվել 2009-ին։
