[Թարմացված] Ադրբեջանի ուժային կառույցների կորուստները 2019թ. հունվար-մարտ ամիսներին. Razm.info

2019թ. հունվարի 1-ից մարտի 31-ը ներառյալ Ռազմինֆոյի մասնագետներին բաց աղբյուրներից հայտնի է դարձել Ադրբեջանի զինված ուժերի և այլ ուժային կառույցների 8 կորստի մասին, որից 3-ը մարտական, 4-ը ոչ մարտական։ Եվս մեկ կորստի մահվան հանգամանքներն անհայտ են։

[Թարմացում] Հետագայում ստացված տվյալների համաձայն՝ 2019թ. հունվարի 1-ից մարտի 31-ը ներառյալ հայտնի է դարձել 10 կորստի մասին, որից 3-ը մարտական, 6-ը ոչ մարտական։ [Թարմացում]

Հունվար

Հունվարի 3-ին սրտի կաթվածից մահացել էր Աղսուի շրջանի բնակիչ, Ադրբեջանի ԶՈւ զինծառայող Սալեհ Ֆյուզուլի օղլու Դեմիրովը (Saleh Füzuli oğlu Dəmirov)։

2019թ. հունվարի 3-ին մահացած զինծառայող Սալեհ Ֆյուզուլի օղլու Դեմիրովը (Saleh Füzuli oğlu Dəmirov)
2019թ. հունվարի 3-ին մահացած զինծառայող Սալեհ Ֆյուզուլի օղլու Դեմիրովը (Saleh Füzuli oğlu Dəmirov)

Հունվարի 11-ին հայտնի դարձավ, որ հունվարի 1–11 ժամանակահատվածում (մահվան կոնկրետ օրը հայտնի չէ), անհայտ պայմաններում մահացել էր Ադրբեջանի ԶՈւ զինծառայող, Բեյլագանի շրջանի Աշըղալըլար գյուղի բնակիչ Բաբաև Ազեր Աֆթանդիլ օղլուն (Babayev Azər Aftandil oğlu): Բաց աղբյուրների լրացուցիչ ուսումնասիրությունից մեր ստացած տեղեկությունների համաձայն՝ զինծառայողը մահացել է ոչ մարտական պայմաններում՝ զենքի հետ անզգույշ վարմունքի հետևանքով։

Փետրվար

Ըստ ադրբեջանական աղբյուրի՝ փետրվարի 7–ի կեսօրին Ֆիզուլու ուղղությամբ հայկական գնդակից սպանվել է Գյանջա քաղաքի բնակիչ, 2000թ. ծնված Ռյուֆեթ Բախթիյար օղլու Ռյուսթեմովը (Rüfət Bəxtiyar oğlu Rüstəmov):

Փետրվարի 7–ին սպանված Ադրբեջանի ԶՈւ զինծառայող Ռյուֆեթ Բախթիյար օղլու Ռյուսթեմովը (Rüfət Bəxtiyar oğlu Rüstəmov)
Փետրվարի 7–ին սպանված Ադրբեջանի ԶՈւ զինծառայող Ռյուֆեթ Բախթիյար օղլու Ռյուսթեմովը (Rüfət Bəxtiyar oğlu Rüstəmov)

Նշենք, որ այս զինծառայողի մահվան մասին Ադրբեջանի ՊՆ ոչ մի հայտարարություն չի արել։ 

Մարտ.

Մարտի 7-ին Ղազախի ուղղությամբ սպանվել էր Բարդայի բնակիչ, Ադրբեջանի ՊՍԾ զինծառայող, 1999թ. ծնված Բայրամով Շահրիյար Ալիյար օղլուն (Bayramov Şəhriyar Əliyar oğlu)։ Որոշ աղբյուրներ գրում են, որ զինծառայողը մահացել է սրտին ստացած հրազենային վնասվածքից, սակայն հայտնի չէ՝ մարտական, թե ոչ մարտական պայմաններում։

Մարտի 7–ին մահացած զինծառայող Բայրամով Շահրիյար Ալիյար օղլուն (Bayramov Şəhriyar Əliyar oğlu)։
Մարտի 7–ին մահացած զինծառայող Բայրամով Շահրիյար Ալիյար օղլուն (Bayramov Şəhriyar Əliyar oğlu)։

Մարտի 8-ին, երեկոյան ժամերի Ադրբեջանի Գախ շրջանում ավտովթարից մահացել էր 1995թ. ծնված Մամմեդռահիմով Մեջիդ Էլմար օղլուն (Məmmədrəhimov Məcid Elmar oğlu), որը պետք է տուն վերադառնար նշանվելու համար։ Վթարի ժամանակ իր հետ մեքենայում է եղել նաև իր զինակիցներից մեկը, որի հետագա ճակատագրի մասին տեղեկություններ չկան։ 

Մարտի 8–ին մահացած զինծառայող Մամմեդռահիմով Մեջիդ Էլմար օղլուն (Məmmədrəhimov Məcid Elmar oğlu)։
Մարտի 8–ին մահացած զինծառայող Մամմեդռահիմով Մեջիդ Էլմար օղլուն (Məmmədrəhimov Məcid Elmar oğlu)։

Մարտի 10–ին Իրան–Ադրբեջան սահմանի Հորադիզի հատվածում Իրանից եկած մի խումբ զինված անձանց հետ փոխհրաձգության ժամանակ սպանվել էր Ադրբեջանի ՊՍԾ զինծառայող, սահմանապահ ուղեկալի հերթափոխի պատասխանատու, ժամկետային կրտսեր սերժանտ Մամադով Սախավեթ Ֆիզուլի օղլուն (Məmmədov Səxavət Fizuli oğlu)։ Դեպքի ընթացքում ևս մեկ զինծառայող վիրավորվել էր։

Մարտի 21-ին Չոջուխ Մարջանլը գյուղի ուղղությամբ ոչ մարտական պայմաններում մահացել էր Ադրբեջանի ԶՈւ զինծառայող, Շաքիի շրջանի Չայ Կարակոյունլու գյուղի բնակիչ Հյումբեթով Ագիլ Վյուգար օղլուն (Hümbətov Aqil Vüqar oğlu)։ Զինծառայողի մահվան մասին տեղեկությունը հաստատել էր Ադրբեջանի պաշտպանության նախարարության մամուլի խոսնակ Վագիֆ Դարգյահլըին, նշելով, որ Հյումբեթովը հայկական գնդակից չի մահացել, մահվան պատճառը պարզելու համար հարուցվել է քրեական գործ։

Ադրբեջանի ԶՈւ մարտի 21-ին մահացած զինծառայող Հյումբեթով Ագիլ Վյուգար օղլուն (Hümbətov Aqil Vüqar oğlu)
Ադրբեջանի ԶՈւ մարտի 21-ին մահացած զինծառայող Հյումբեթով Ագիլ Վյուգար օղլուն (Hümbətov Aqil Vüqar oğlu)

Մարտի 26–ի երեկոյան, ըստ ադրբեջանական կողմի՝ Ֆիզուլու ուղղությամբ հայկական գնդակից սպանվել էր Ադրբեջանի զինված ուժերի զինծառայող Էլեզով Էլեզ Էլեդդին օղլուն (Əlləzov Əlləz Ələddin oğlu)։ Ըստ սոցցանցերից ստացված տեղեկությունների՝ այս զինծառայողը Ղազախի շրջանի Յուխարը Սալահլը գյուղի բնակիչ էր։

Մարտի 26-ին մահացած Ադրբեջանի զինված ուժերի զինծառայող Էլեզով Էլեզ Էլեդդին օղլուն (Əlləzov Əlləz Ələddin oğlu)
Մարտի 26-ին մահացած Ադրբեջանի զինված ուժերի զինծառայող Էլեզով Էլեզ Էլեդդին օղլուն (Əlləzov ƏlləzƏləddin oğlu)


[Թարմացված] Ադրբեջանի ԶՈւ և հարակից ուժային կառույցների կորուստները 2019թ. հունվարի 1-ից մարտի 31-ը.

ԱմիսՄարտականՈչ մարտ.Անհայտ
Հունվար                –            2           –
Փետրվար                1            –           –
Մարտ                2           4           1
Ընդհանուր               3         6           1

Նշենք, որ մարտի 7-ին Ադրբեջանի ՊՆ-ն հայտնում էր, որ երկու զինծառայող մնացել են ձնահոսքի տակ, սակայն նրանց հետագա ճակատագրի մասին որևէ տեղեկություն հայտնի չէ։

[Թարմացում] Ապրիլի 15-ին հայտնի դարձավ, որ մարտի 7-ին ձնահոսքի տակ մնացած զինծառայողներից մեկի՝ ենթասպա Աբդուլլաև Հաֆիզ Մահադ օղլուի (Abdullayev Hafiz Məhəd oğlu) դին հայտնաբերվել է և թաղվել ապրիլի 14-ին Ղազախի շրջանի Յուխարը Սալահլը գյուղում։ Ըստ այդմ՝ մարտ ամսին Ադրբրեջանի ուժային կառույցներում 2-ի փոխարեն հայտնի է դարձել 3 ոչ մարտական կորուստ։ Նշենք, որ մեծ է հավանականությունը նաև ձնահոսքի տակ մնացած մյուս զինծառայողի մահվան, սակայն այդ մասին դեռ տվյալներ չկան։ [Թարմացում]

[Թարմացում 2] Ապրիլի 23-ին էլ հայտնաբերվել է ձնահոսքի տակ մնացած երկրորդ զինծառայողի՝ շարքային Մամեդով Ֆարուխ Ֆարման օղլուի (Məmmədov Fərrux Fərman oğlu) դին:

Հավելենք, որ հայտնի դարձած 8 կորստից Ադրբեջանի ՊՆ-ն հայտնել է միայն երկուսի մասին, ևս մեկի մասին տեղեկությունը պարզապես հաստատել է ՊՆ մամուլի խոսնակը։

Հայկական բանակի կորուստները՝ այստեղ։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *