ՀՀ ՊՆ «Բաղրամյան» զորավարժարանում անցկացվող հայ-ռուսական միացյալ զորախումբը զորավարժության ժամանակ լեռնային տեղանքում ետ կմղի պայմանական հակառորդի հարձակումը։ Հետախույզների առաջադրանքն է լինելու փնտրել հակառակորդի առավել կարևոր օբյեկտներն ու կապի հանգույցները, նահանջի և վիրավորներին էվակուացնելու ճանապարհներ։ Այս մասին Ռազմինֆոյին տեղեկացնում են ՌԴ ԶՈւ Հարավային ռազմական շրջանի մամուլի ծառայությունից։
Զինծառայողները մշակելու են քողարկման, առաջին օգնության ցուցաբերման, ГЛОНАСС համակարգով տեղանքում քարտեզով կողմնորոշվելու առաջադրանքներ։
հետախույզները հայ-ռուսական զորախմբի վարժանքների ժամանակ
Ավելի վաղ տանկային և հրետանային ստորաբաժանումները ոչնչացրել են պայմանական հակառակորդի թիրախները։ Կապի հետախուզման և ղեկավարման «Ստրելեց» համալիրներից և ԱԹՍ–ներից թիրախների կորդինատները ստանալուց հետո Տ-72Բ տանկերով, 122 մմ «Ակացիա» ինքնագնաց հաուբիցով, 2Ս12 «Սանի» ականանետով և «Գռադ» ՀԿՌՀ-ով զինծառայողները լեռնային տեղանքում՝ 1-ից 20 կմ վրա, խոցել են տանկերի, ՀՄՄ-ների և հրետանային միջոցների նմանակող թիրախները։
հայ-ռուսական միացյալ զորախումբը՝ վարժանքների ժամանակ 
ՀՀ ԶՈւ զինծառայողները՝ հայ-ռուսական զորախմբի վարժանքների ժամանակ
Նշենք, որ ապրիլի 1-ից 14-ը հայ-ռուսական համատեղ զորախումբը վարժանքներ է անում, որին մասնակցում է ավելի քան 1500 զինծառայող, և ներգրավված է մոտ 300 միավոր զինտեխնիկա։
Վարժանքները անցնելու են հայ-ռուսական միացյալ զորախմբի հրամանատար, գեներալ-մայոր Տիգրան Փարվանյանի և 102–րդ ռազմաբազայի հրամանատար, գնդապետ Վլադիմիր Ելկանովի հրամանատարությամբ։
Զորախմբի կազմի մեջ են մտնում Ռուսաստանի ԶՈւ՝ Հայաստանում տեղակայված 102-րդ ռազմաբազան, իսկ հայկական կողմից՝ ՀՀ ՊՆ 5-րդ բանակային կորպուսի ստորաբաժանումների մի մասը:
Զորախմբի նպատակն է ժամանակին հայտնաբերել երկու կողմերի նկատմամբ ագրեսիայի նախապատրաստումը և հետ մղել այն՝ երկու կողմերի զինված ուժերի և այլ զորքերի միջոցով: