[Լրացում] ԱՄՆ-ն դադարեցրել է Թուրքիային F-35-երի անհրաժեշտ սարքավորումների մատակարարումը․ Reuters

Ամերիկյան մի քանի բարձրաստիճան պաշտոնյա իրենց թուրք գործըկերներին հայտնել են, որ Թուրքիան այլևս չի ստանալու F-35 կործանիչների համար նախատեսված սարքավորումները։ 

Այս մասին հայտնում է «Ռոյթերս» միջազգային գործակալությունը, հղում անելով իր անանուն աղբյուրներին։ Ըստ աղբյուրի՝ ԱՄՆ-ն կասեցրել է կործանիչների համար նախատեսված սարքավորումների մատակարարումը Թուրքիայի ռուսական Ս-400 ՀՕՊ համակարգերը գնելու համար։ 

[Լրացում] Պենտագոնի մամուլի խոսնակ Մայք Էնդրյուսը, «Ռոյթերս»–ի հետ զրույցում հաստատել է տեղեկությունը, ասելով, որ մատակարարումները դադարեցվել են, մինչև Թուրքիան կհրաժարվի Ս-400–ների մատակարարումից։ [Լրացում]

Հիշեցնենք, որ մարտի 28-ին Միացյալ Նահանգների Սենատի մի քանի ներկայացուցիչ քննարկման էին ներկայացրել օրենքի նախագիծ, որով կարգելվի Թուրքիային մատակարարել F-35 կործանիչներն այնքան ժամանակ մինչև ԱՄՆ կառավարությունը կհաստատի, որ Թուրքիան հրաժարվել է Ս-400 ռուսական ՀՕՊ համակարգերից։ 

Սենատորները, նախագիծն առաջադրելիս, հայտարարել են,  որ Ս-400-ների գործարքը կարող է ազդել ՆԱՏՕ-ի անդամակացության, ինչպես նաև ԱՄՆ զինված ուժերի մի շարք, այդ թվում՝ կոալիցիոն ռազմական գործողությունների վրա:

Հավելենք, որ վերջին շրջանում Թուրքիայի և ԱՄՆ-ի միջև ռուսական ՀՕՊ համակարգերը գնելու համար զարգացել է քաղաքական կոնֆլիկտ։ ԱՄՆ-ն ու ՆԱՏՕ-ն դեմ են Թուրքիայի Ս-400 համակարգերը գնելուն, համարելով, որ դրանք չեն համապատասխանում ՆԱՏՕ ստանդարտներին, ու դրա համար առաջարկում են գնել ամերիկյան Patriot համակարգերը։

Սրան զուգահեռ Թուրքիան ԱՄՆ-ից գնել է ամերիկյան 5-րդ սերնդի F-35 կործանիչները, որոնցից երկուսը Թուրքիային են մատակարարվել անցած տարի, իսկ ևս երկու միավորի մատակարարումը սպասվում էր այս տարվա մարտին, սակայն ԱՄՆ որոշմամբ մատակարարումն առայժմ հետաձգվել է մինչև նոյեմբեր։

Ս-400-ը և F-35-ը։ Ծաղրանկարը՝ Sputniknews-ի
Ս-400-ը և F-35-ը։ Ծաղրանկարը՝ Sputniknews-ի

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *