Ադրբեջանում մարտի կեսերին անցկացված զորավարժությունների ընթացքում կիրառվել են բելառուսական «ԱԳԱՏ-կառավարման համակարգեր» ընկերության արտադրած 7A0917 «Լեկտոր» հրետանային կրակի կառավարման համակարգեր։
Այս մասին գրում է ադրբեջանական «Ազերիդիֆենս» մասնագիտացված կայքը։ Ըստ աղբյուրի տեղեկությունների՝ Ադրբեջանը Բելառուսից այս համակարգերը գնել է այս տարվա փետրվարին՝ Աբու Դաբիում կայացած IDEX-2019 ցուցահանդեսից հետո։
Աղբյուրը ներկայացրել է մեկ կադր զորավարժության ընթացքից, որտեղ երևում են բելառուսական համակարգերը․
Ներկայացրած կադրերը վերցված են զորավարժության կրակային փուլի այս տեսանյութից․
Նշենք, որ «Լեկտոր»-ը եռաստիճան կառավարման համակարգ է. մարտկոցի հրամանատար, մարտկոցի ավագ սպա և հաշվարկի հրամանատար։ Մարտկոցի հրամանատարի տեխնիկական միջոցների կազմի մեջ մտնում են դյուրակիր համակարգիչ (պլանշետ), շարժական ռադիոկայան և բելառուսական «Կապոնիր» հետախուզության սարքեր։ Մարտկոցի ավագ սպայի տեխնիկական միջոցների մեջ մտնում է նաև օդերևույթաբանական կայան։ Կրակի կառավարման և նախապատրաստման համար հաշվարկի հրամանատարը ունի ևս մեկ դյուրակիր համակարգիչ և ռադիոկայան։
Հավելենք, որ բելառուսական այս համակարգը առաջին անգամ ցուցադրվել է փետրվարին՝ պաշտպանական արդյունաբերության պետական կոմիտեի ցուցահանդեսին, ինչպես նաև IDEX-2019-ին։ Այն կներկայացվի նաև Մինսկում այս տարվա մայիսին կայանալիք MILEX-2019 ցուցահանդես։