Մարտի 14-ին՝ Ադրբեջանում անցկացվող լայնամասշտաբ զորավարժության չորրորդ օրը, անցկացվել է կրակային փուլը: Ներգրավվել են հրթիռահրետանային միջոցներ, զորահատանկային և հատուկ տեխնիկա, ավիացիա, այդ թվում՝ ԱԹՍ:
Կրակային փուլին ներգրավված միջոցները ներկայացնում ենք ստորև.
Հրթիռային և հրետանային միջոցներ
- ԲՄ-21 «Գռադ» – 122 մմ ՀԿՌՀ
- RM-70 – 122մմ ՀԿՌՀ
- «Վենա» – 120մմ ինքնագնաց հրանոթ
- «Գվոզդիկա» – 122մմ ինքնագնաց հաուբից
- Դ-30 – 122մմ քարշակվող հաուբից
- ՄՏ-12 – 100մմ հակատանկային հրանոթ
- «Սանի» – 120մմ ականանետ
- «Խրիզանետմա-Ս» ինքնագնաց հակատանկային հրթիռային համակարգ
Զրահատանկային տեխնիկա
- Տ-72 տանկ
- ԲՄՊ-1 հետևակի մարտական մեքենա
- ԲՏՌ-82Ա զրահափոխադրիչ
Ավիացիա և ԱԹՍ, ՀՕՊ
- Սու-25 գրոհիչ
- Մի-35 հարվածային ուղղաթիռ
- «Օրբիտեր-3» հետախուզական ԱԹՍ
- Կիրառվել է նաև մահապարտ ԱԹՍ, տեսակը հայտնի չէ [լրացում]
- ԶՍՈւ-23-4 «Շիլկա» ԶՀ
- ՄՏ-ԼԲ ԶՈւ-23-2 ԶՀ
- «Իգլա» դյուրակիր ԶՀՀ
Հիշեցնենք, որ Ադրբեջանում լայնամասշտաբ զորավարժությունները մեկնարկել էին մարտի 11-ից և ավարտվելու են մարտի 15-ին: Զորավարժության նախորդ օրերի հիմնական գործողություններին կարող եք ծանոթանալ այստեղ:
Ըստ Ադրբեջանի ՊՆ հայտարարություն՝ ներգրավվել են մինչև 500 միավոր զրահատանկային տեխնիկա, ավտոմոբիլային և հատուկ միջոց, մինչև 300 միավոր տարբեր տրամաչափի հրթիռահրետանային միջոց, տարբեր նշանակության մինչև 20 միավոր ավիացիոն միջոց:
Սրան զուգահեռ հրամանատարաշտաբային վարժանքներ են ընթանում նաև Նախիջևանի առանձին համազորային բանակում: