Մարտի 5–ին Հալեպի շրջանի 3 բնակավայրերում ականի պայթյունից զոհվել է ընդհանուր 13 մարդ, ինչպես նաև վիրավորվել 28 հոգի: Այս մասին, հղում անելով տեղի ոստիկանությանը, հայտնում է սիրիական SANA գործակալությունը։
Թել-Մարաղա բնակավայրում, ականի վրա պայթել է մարդկանց աշխատանքի տանող բեռնատարը։ Արդունքում զոհվել է 7 մարդ։ Բեռնատարի պայթյունի հետևանքով՝ կա նաև 14 վիրավոր:
Եվս մեկ մարդ, կրկին ականի պայթյունից, զոհվել է Հալեպի արևմուտքում գտնվող Թել–Արեն գյուղում, միջադեպում վիրավորվել է 13 քաղաքացի:
Բացի այս, Հալեպի նահանգի հարավ–արևմուտքում գտնվող Խանասեր շրջանում ականի պայթյունից մահացել են 6 հոգանոց ընտանիքից 5–ը։ Ընտանիքի մյուս անդամը վիրավորվել է։
Հիշեցնենք, որ ներկայումս Հալեպում է գտնվում հումանիտար օգնություն իրականացնող հայ սակրավորների ու բժիկների խումբը։