Թուրքիայի ՌԾՈւ–ն զորավարժություն է անում միաժամանակ երեք ծովում

Փետրվարի 27–ից մարտի 8–ը Թուրքիայի ռազմածովային ուժերը միանգամից երեք՝ Էգեյան, Միջերակրական և Սև ծովերում, անցկացնելու են «Մավի Վաթան – 2019» (“Mavi vatan-2019”) զորավարժությունը, որը, ըստ թուրքական աղբյուրների՝ հանրապետության պատմության մեջ  խոշորագույն ռազմածովային զորավարժությունն է։

Զորավարժության մեկնարկի մասին հայտնել է Թուրքիայի ՌԾՈւ հրամանատարության կայքը, իսկ թուրքական «ՏՌՏ» գործակալությունը ներկայացրել է զորավարժությանը մասնակցող ուժերի մասին մանրամասներ։

Ըստ այդմ՝ զորավարժությանը մասնակցելու է ընդհանուր 103 նավ, այդ թվում՝ 13 ֆրեգատ, 6 կորվետ, 16 հրթիռակիր նավակ, 7 սուզանավ, 7 ականորսիչ նավ, 17 աջակոցող սահմանապահ նավ, 14 պարեկանավ, 22 դեսանտային և 1 վարժանքների նավ։ 

«Մավի Վաթան – 2019» զորավարժությունը՝ Էգեյան, Միջերկրական և Սև ծովերում՝ միաժամանակ
«Մավի Վաթան – 2019» զորավարժությունը՝ Էգեյան, Միջերկրական և Սև ծովերում՝ միաժամանակ

Բացի ռազմանավերից, զորավարժությանը մասնակցելու են նաև ՌԾՈւ ուղղաթիռներ, ինքնաթիռներ, անօդաչու թռչող սարքեր (ԱԹՍ)։ Բացի այդ՝ մասնակցելու են նաև ռազմաօդային, ցամաքային ու սահմանապահ ուժերի մի քանի ստորաբաժանումներ:

Զորավարժության ընթացքում լինելու են պայմանական թշնամիներ, այդ թվում՝ «ահաբեկիչների ուղղաթիռներ» ևն։ Զորավարժությունն ուղեկցվելու է մարտական կրակով։

Նշենք, որ փետրվարի 25–ին միջերկրական ծովում մեկնարկել է նաև ՆԱՏՕ երկրների հետ համատեղ անցկացվող Dynamic Manta-2019 զորավարժությունը, որը ևս ավարտվելու է մարտի 8–ին։ 

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *