Փետրվարի 11–ին Ադրբեջանի Պետական անվտանգության ծառայությունը Ադրբեջանի տարբեր ենթակառուցվածքների աշխատակիցների, մեկ զորամասի, արտասահմանում առևտրային կապեր ունեցող ադրբեջանցի պաշտոնյաների մասին օտարերկրյա հատուկ ծառայություններին տեղեկություններ տալու համար ձերբակալել է Մինգեչավուրի բնակիչ Ալեքբերով Անար Վագիֆ օղլուին (Ələkbərov Anar Vaqif oğlu)։
Այս մասին հայտարարությունը հրապարակվել է ՊԱԾ պաշտոնական կայքում։ Նշվում է, որ Ալեքբերովը իր հավաքած տեղեկությունները օտարերկրյա հատուկ ծառայություններին է ուղարկել հեռախոսային հավելվածի միջոցով։ Այժմ, ըստ աղբյուրի, Ալեքբերովը խոստովանել է իր հանցանքը և կալանավորվել։
