Այսօր՝ հունվարի 22–ին, Հայաստանում տեղակայված ՌԴ ԶՈւ 102–րդ ռազմաբազայի ավելի քան 2500 զինծառայող մարտական պատրաստության է բերվել ուսումնական տագնապով։
Այս մասին հայտնում է ՌԴ ՊՆ կայքը։
Վարժանքին ներգրավվել է ավելի քանի 500 միավոր զինտեխնիկա, այդ թվում՝ Ս-300Վ և Բուկ–Մ1–2 ՀՕՊ համակարգեր։
Նշվում է, որ զինծառայողները ուսումնական առաջադրանքները կատարել են իրենց համար անծանոթ տեղանքներում։
Այս ուսումնական տագնապը պլանային զորավարժության մաս է, որը Ռուսաստանի զինված ուժերի Հարավային ռազմական շրջանում սկսել է տարեսկզբին, կավարտվի՝ հունվարի 26–ին։
Ռուսաստանի ՊՆ–ն ավելի վաղ հայտարարել էր, որ 2019 թվականի ընթացքում 102-րդ ռազաբազայի ստորաբաժանումների մարտական պատրաստության պարապմունքների ինտենսիվությունը կբարձրանա 10 տոկոսով։ Ավելի քան 3500 զինծառայող կանցկացնի 600 մարտավարական պարապմունք։
ՌԴ ԶՈւ 102-րդ ռազմաբազան Հայաստանում Է 1995–ից: 2012–ի օգոստոսին Երևանում ստորագրվել է հայ-ռուսական պայմանագրի երկարացման արձանագրություն։ Պայմանագիրը երկարացվել է մինչև 49 տարի (հաշվվում է 1995 թվականից):
Ս-300Վ համակարգերը Հայաստանում տեղակայված ՌԴ ԶՈւ 102-րդ ռազմաբազայում